مشغول أنا بالسياسة ومهموم بالاجتماع
غرقان قوي في الدراسة وبسعى على العيال
لسه ساكن في حارة وتعاملي مع الكبار
مش طايق شكل حارتي ومش حاسس بانبهار
***
دايما كنت اقتصادي ومش فاهم الاقتصاد
أنا عايش جوه نفسي ونفسي مع العباد
ف الزحمة أقدر أسلك مش خايف م الهلاك
مش قادر حتى احكي وكل كلامي سكات
***
حياتي بشكل حصري عرض جامد وفسري
بدور ع الحقايق وهي في مرمى بصري
لو تلقى حد حاله زي كلامي ما تسألش
راح تعرف انه شكلي وشكلك .. ماتقلقش
أكيد هيبقى مصري ........
ليست هناك تعليقات:
إرسال تعليق